Piątkowa GROmada #69 - hanys edyszyn + frele
Witojcie chopy i dziołszki. Dzisiejsze wydanie piontkowej SZPILOmady bydzie inksze, bo fandzolić bydymy po ślonsku. Byda Jo - KEYMUTHA i synek, kiery sie zwie shinkadamo
Ten blog był już na portalu, ale filmiki, które zostały w nim zamieszczone były podobno za ostre (nie wiem, nie miałem internetu). Poprzedni twórca Keymutha został nagrodzony banem do niedzieli, ale mi udało się odratować tą GROmadę i wrzucić ją w delikatnie zmienionej formie - Real
Na starcie kciołech Wom pokozać dwa koncki kiere wciepoł na jutuba taki jeden hanys. Je to Bercik Warda (mój imiennik), kiery rodzony je w Rudzie ślunskiej, a terozki mieszko w Nimcach.
Pirszy filmik pokazuje reakcjo fatra kiery dowiedzioł sie, że jego synek kiery robi na grubie dostoł ancla w Sosnowcu.
Poniżej mocie jego reakcjo:
Każdy hanys pewnie by ciulnął o zol, jakby się dowiedzioł, że jego bajtel bydzie mieszkać za granicom z gorolami :)
Drugi zaś pokazuje rojbra, kiery kcioł wydupić z Sosnowca i zagrzoć dupa w Piekarach. Twierdził, że już jest hanysem, ale nikt mu tego nie łyknył, bo pedzieli chopy, że dupi bery.
[Tu był filmik, ale go już nie ma - Real]
Jo też jest hanys i rodzony żech jest na Świonach, a terozki mieszkom w Chorzowie.
Synek, kiery bydzie sam też ze mnom fandzolić o szpilach, a mom na myśli shinkadamo mieszko zaś na Rudzie, czyli Nosz synek.
Nie wiem, czy wiecie, ale jest taki szlager, kiery godo, że "na Rudzie fajnie jest, idzie się nadupić fest..."
Sam mocie cynk, kaj idzie to obczaić: ">TU WCIŚNIJ KNEFEL MYSZY
Cyfra 69, to nie tylko kolejny koncek bloga, kiery się wykluł dzienki DAAKowi i Realnemu, bo to liczba, kiero trza uhonorować frelami, ale dziołszki na som koniec [ich też już nie ma - Real]
Nie ma co dupcyć bez sensu, winc bieremy się za te szpile.
QUAKE II [PC] - czyli DUPNIĘCIE II po naszymu
Ostatni roz, kiedy jo sam pisoł o pierwszej czynści tej szpili godołech, że potem biera się za kolejno faza Dupnięcia.
W trakcie szkrobania tego bloga jo już jest w trakcie szpilanio, bo poza łoryginałem, kiery łostoł wypuszczony przez id software, mom zamiar łyknonć oba dodatkowe koncki, kiere som tak samo dupne i polecom badnonć kożdemu.
W przeciwieństwie do mrocznego klimatu jedynki - dwójka je inkszo. Sam muszymy rozdupcać bazy Stroggów, a jest łona na pewno winkszo niż cały Sosnowiec.
Jo już nie pamientom, wela razy szpilołech w te Kłeje, ale bydzie tygo wciul i jeszcze trocha.
Pierwszy roz, to było kajś w czasach, kiedy sie łaziło do budy (technikum) i kumpel mioł swoja "kopia zapasowo", a jego szpil maszyna była daremno, bo szpilalimy w niskiej rozdzielczości ze wzglyndu na brak łakceleratora firmy 3dfx.
Nie trwało to długo, bo kumpel rozdupcył szporkasa i kupił za swoje bebki ten klamor, co mu doł lepszego kopa w jego szpil maszynie.
Quake II: The Reckoning [PC]
Pierwszy oficjalny koncek kiery śmignięty zostoł przez Gray Matter/Xatrix Entertainment. Sam muszymy tyż naklupać Stroggom, ale tym razem bydymy inkszym bohaterem. Synek mo oprócz gnatów z podstawowej wersji Dupnięcia kilka inkszych, kiere som tyż dobre, a po drodze spotko nowe ryje do oklupania. Ten koncek styknie Wom na jakieś 6h szpilanio. Toć - klimat jest, bo w tle leci nom muza kiero zrobili chopy z Sonic Mayhem. Jak mocie dobry sprzynt do słuchanio szlagrów, to trza łodpalić to na fol, żeby somsiedzi z familoka słyszeli.
Quake II: Ground Zero [PC]
Ground Zero, to drugi oficjalny koncek kiery mo łogień. Zostoł on machnięty przez ekipa Rogue Entertainment, kiero zrobiła też dodatek do pierwszego koncka Kłeja. Poza tym tak dobrze im żarło, że ukulali se własno szpila: Strife.
Szpilanie powinno Wom styknąć kajś na 7h, co je dobrym wynikiem.
Jo wim, że som takie rojbry, co rozdupcom cały pakiet Dupnięcio fest gibko, ale jo lubia szpilać, a nie lotać, jak za balom na szpil placu.
Sam mocie idealny przikład tego, że kiedyś szpile były lepsze i co sie do nich pojawiało, to miało sens.
Jak łobliczyć wela zajmie zaliczenie Dupnięcia II + łoba koncki, to mocie kajś 20 godzin i kupa zabawy. A terozki? Rojbry ukulają szpila kiero potem łobetnom na koncki za kiere trza zabulić nie małe pindzyje.
Gdyby kieryś kcioł osłuchać szlagry, jakie lecą w trakcie szpili, to poniżej mocie linki:
">QUAKE II THE RECKONING SOUNDTRACK
">QUAKE II GROUND ZERO SOUNDTRACK
A jakby kiery kcioł poszlipać z lepszom grafą, bo mu ta staro nie pasi, to sam mocie strona, kaj możecie łyknonć tekstury hd.
Jo to osobiście oloł, bo ta szpila w tym momencie traci klimat.
Czuja, że w tyn łikynd styknie mi yno to, bo poza tym bracik mo geburstag, winc w sobota trza coś wlać do ryja i się nawdupiać szałotu z frankfuterkami. Gyszynk już do niego mom, winc halba za to pewnie postawi :)
Jo Wom życza udanego łikyndu, bo zaś łod poniedziałku trza ciś na szychta.
Pozdro
KEY
Serwus hanysy, gorole, krojcogi i basztardy. Dziwno sytuacyjo, kiej momy sam po naszymu ciś farmazony dotyczonce tego, w co szpilomy. Razym z KEYMUTHOM na szałcie doszlimy do wniosku, że ślonski to gryfny jynzyk. REAL wpod na gryfny gynau pomys, czy by my co niy ukulali po ślonsku GROmady. Jak chórym pedzielimy mu ja. Dlatego dziś momy tukej SZPILOmada. Muminowi cza ino dać cynk, by se znod jakiś słownik, co by mu to wartko szło z czytaniym, ale mje ino tyż zastanawio, kiej łon tak cołki tydziyń dupie w ancugu, to w czym boroka pochowajom? :D
A co u mje? Debiut w piyrszej SZPILOmadzie, to gryfnie, epny zaszczyt, ale niy bydzie dugo! U mje tyż z leka dyć wiela się dzioło łostatnio. Nula gorzoły i biyru oraz tustego żarcia. Zipia na gorkim z zupy miynsie, ale po leku cisna na przima do przodku, a wiela hajsu dziynki tymu żech naszporowoł, no i mom 7 kilo do zadku. Taszlampa i na zicher naprzód.
A co u mje na hajmacie szpilowym słychać? Wartko się dzieje. Terozki do mje przijechoł kolejny PSX do kolekcji oraz premierowe wydaniy Resident Evil 2, a mom tyż cyfrowo wersyjo na pe es czi, ale niy byda sie asić. No dyć ja, stare gry som nojlepsze, takie „ołszpile”. Co by tukej dugo niy przeciongać, jadymy z koksem!
Acha, bych zapomnioł. Mały widz. Uwaga, suchejcie: CZY BIGLEM IDZIE BIGLOWAĆ? Fto richtig trefi z łodpowiedziom, niy nazwia go gorolem. Pamiyntejcie, cza uzasadnić swoje fandzolenie. Dobra teroz już richtig zaczynomy.
RESIDENT EVIL 2, czyli pierony, kere kitneli cisnom dalij.
Gra staro jak świat, grafa je jak pierun, kery nadżistoł na zol, jerunie, ale szpilo się genialnie. Wracom do nij czynsto, szczególnie, kiej wiym, że zarozki wydajom fresz luft, czyli w gynau nowyj łoprawie. To je jedyn z tych normalnych szpilów ło niyboszczykach. Sztyry, piyńć i sześ to już niy to samo. Ziben to takie „PT” w nowym wydaniu i bestuż jedna sytuacjo trocha mie śmierdzi nawet starom motykom z Blair, ale dejmy temu pokój. Idymy do naszyj ańcli. Fertiś to je to!
Lubia tyż tyn głos wypowiadanyj nazwy szpilu, po trefieniu we „new”, abo „load”. Kiejś mje trocha dreszcze z fibrem łonaczyły za bajtla.
Ulice Raccoon Stadl niy dziwota som inksze, niż te na kerych my se z hajerami dżistomy po robocie. Zamiast normalnych karlusów i frel kere powinny zicać na borsztajnach, łazić na zolyty, wdupiać kołocz i biyr, jak to u nos zawsze boło, to cisnom się na przima miyndzy jednym gylyndrym, a drugim heftujonc i wydajonc z pomyjoka dziwne jynki. Niekere poradzom szczaskać żdżadło i siedem lot niyszczyńscio. Co im tam wloli do tyj gorzoły jo się pytom? Jo rajnt udaja, że nic niy wiym, ale to łoni som zdziwieni, bestuż łażom bez cołki szpil, jak zdziwiony gorol na Tałzenie, abo na Frynie. Łopamiyntać ich moga ino dziynki giwerze.
Mus wiedzieć, jako je nojważniejszo zasada niyboszczyka, kery dostoł z szotgebera nad pulok? Zawsze mje to łonaczyło. Ano dyć tako, że łeb i cołki tułów ślatujom na zol, a gyry cisnom dalij, ale ino bez pora sekund. A najdupniejsze je, kiej do łobdżistanego, skiśniyntego umarlaka wytegujesz z magnuma. Ło pieruna, łeb rozdupi we wszystkie ranty – na gibzdeka, zol, gylynder, a także na innych boroków. Czasym mom wrażenie, że taki niyboszczyk ryczy do mje: NIY W ŁEB TY… CIU*U! :D
Można pedzieć, że halba szpilu dzieje się na komisaracie i cieszy mje gynau, że tak je. Nojważniejszy hol i ańcle som gryfnie zrobione. Spotykomy sam masa boroków i rajnt boroka, kerymu ponownie włonaczono wirusa – to som te słynne Lickery z dugim jynzykiem. Aha noleży tyż pamiyntać o psach, ale niy tych w mundurach, ino tych na sztyrych girach. Gibkie som. Jak to je nazywajom? – Cerberusy!
Padom, że podobo mje się na posterunku i to je fertiś recht. Ano czymu? Prócz oczywiście niyspodzianek, że borok Ci troumfnie bez łokno z dugimi ryncami, albo – o zapomniołbych – ptoki, te cholerne, małe, piyrońskie, lotajonce gizdy tyż poradzom karlusa łotegować z nerwów. Ale cisnymy dalij – sztrofki - na posterunku som genialne sztrofki. W tyj czyńsci szpilu sztrofki szpilane na fortepianie som przegryfne! Chyba nojlepszo muzyka, jako żech suchoł w szpilach.
Muzyka ulic Raccoon boła ciekawo zaś w kwestii tego, że chóralnie boło niyboszczyków słychać, jak się łonaczom miyndzy borsztajnami.
W szpilu niy moge się obejść bez czornego charakteru, kery by nos niy gonił. William Birkin - to łon skludził niyboszczyków do miasta – po prostu niy mieli inkszego wyboru – propozycjo niy do łodrzucynio. Chyba chce na nowo łodbudować wiynzi ze swojom cerom – Sherry. Ale cojś mu to niy idzie, kiej za kożdym razym jego wyglond zmienio się niy pod łokiem oriflame’u, biydok jedyn. Jak na tamte czasy, to efekt jego mutacji je pierońsko świetny, kiej się szpilo.
Jeszcze na pierona momy scenariusze poboczne, czyli przikładowo kiej Leon ciśnie normalnie przez ańcla z giwerami Kendo, potym bez busa i włazi do komisariatu bez frontowe dźwiyrza, jego prawie libsta Claire ciśnie drugom stronom i ja mogymy to lukać osobiście, a nawet somemu tym szpilać. To je tyn trudniyjszy scynariusz. Przedmioty momy trocha inkszej porozłonaczane. I dochodzi kolejny gizd wybryków paryzola – Mr iks. Dupny mo fajny, zielony ancug i jak go pochlastomy, to łostawio nom zawsze jakiś gyszyng, kery nom się przido na innych niyboszczyków, boroków itd. To taki protoplasta przed nojlepszym bebokiem, moim pszonym, kerego zawsze byda mieć rod – Nemesisem, ale Nemuś wystympuje w inkszej czyńści. Tukej się zadowolom iksem.
Fajrant szpilu zabiero nos oczywiście do laboratorium paryzola. My tyż mogymy się pobawić wichajstrem i jakieś leki porobić, a czymu by niy? Walka z Birkinem, kery wyglondo jak bez łokno na plac łobdżistany niy wiym czym, to już całkowity fajrant, a potym cugiem jadymy w sino dal. Jak to w takich szpilach je, wartko się wszystko kończy gryfnie dobrze.
Bardzo pszaja tymu szpilowi. Jedyn z nojlepszych szpilów na piyrszego Playa. A robi mje się gorko na samo myśl, że skośni kulajom remake. Nic ino czekać na piyrsze fandzolenie na tyn temat. A potem bydymy Japońcom ciś po pomyjokach, co by nom czi odnowili.
Dobra, wiyncyj niy fandzola, bo fto to zrozumi. Pisanie po ślonsku to tyż niy lada wyzwanie. Niy ma znormalizowanyj oficjalnie pisowni. Co łosiedle, to inkszy żargon.
Cofnymy się terozki do 2013 roku, kiej MS zaprezentowoł swoja nowo maszina do szpilów. Recenzjo karlusa po ślonsku, tyla łodemje. Pyrsk ludkowie!
